Herbergið hans Harðar og Noregsferð Bjarneyjar

Hér verða ákveðin straumhvörf, '80 tónlistin (svokölluð) er farin að gera verulega vart við sig, en af því að Hörður átti svo margar plötur þá held ég að hann hafi að vissu leiti bjargað mér frá glötun tónlistarlega séð (en honum tókst það reyndar ekki alveg). Hann kynnti mig ekki fyrir Bonnie Tyler ef þið hafið verið að hugsa það, en ég held ég hafi heyrt í Big Country þar fyrst.

Svo er það "Let's dance" Bowies. Hörður var í herberginu innst af "gulaganginum" og svo var hann um tíma í herberginu á vinstri hönd þegar maður gekk inn í íbúðina, þar sá ég Bowie plötuna. Við, Erpur og Daði hlustuðum eitthvað á þetta þar. Þess ber að geta að sjálfsögðu hafði ég heyrt í Bowie áður með Ziggy Stardust ofl. en það náði ekkert sérstaklega til mín á þessum tíma.

En svo er það "Lys og varme" Ages Alexanders. Ég geri mér ekki grein fyrir því hvort kom á undan, Bjarney sem kom með þessa kasettu frá Noregi eftir að hún hafði farið þangað í fermingarferð (gjöf frá mömmu og pabba) eða hvort hún hafi keypt hana eftir að hafa heyrt hana hjá Herði??? En allavegana þá er þarna frábær plata á ferðinni og hefi ég gaman að henni enn þann daginn í dag(spólan reyndar úr sér gengin), ég nefni lög eins og "lys og varme" "Jeg lige ikki Norge"(á í smá erfiðleikum með norskuna en þetta á að vera á ísl. ég kann illa við Noreg) og svo "Har-rara..." lagið, veit ekki hvað lagið heitir en hann syngur þetta "Har-rara..." ótt og títt og hækkar sig upp í tónskalanum uns rám röddin kreistir frá sér síðasta har-raraið...(er ég nokkuð farinn að hljóma eins og Ingólfur Margeirsson og bylting Bítlana??) en það lag er frábær smellur.

Mér þætti gaman að vita hvort einhver á þessa plötu Åges, Lys og Varme??