Þórhallur fermist . 1982-1985 nr.1 erlent

Einhvernveginn er mér ómögulegt að aftengja þessar plötur við sigarettur, kaffi, Morgan Kane og haframjöl. Í fyrsta lagi þá sat Þórhallur eftir fermingu inn í stofu, reykti sigarettur, las Morgan Kane, drakk kaffi og hlustaði á Stiff og Pink Floyd.

Dæmi:Ég kem heim úr skólanum og Þórhallur á sínum stað, ég fer fram í eldhús, er svangur, ekkert til jú nema haframjöl. Set það á disk, vel af sykri út á (ekki var kakó til staðar nema á Bjarnhólastígnum) og mjólk. Svo er þessu skóflað í sig og ég borða kannski 2-3 diska af þessu við undirleik Stiff og Floyd.

Ég verð að viðrukenna að ég átti í verulegum vandræðum með að melta Pink Floyd the wall og átti margar þræturnar við hann Þórhall minn um það. En 2-3 árum seinna er ég orðinn "húkkt" á þessa plötu og er enn, verð að hlusta á hana með reglulegu millibili. Stiff gat ég auðveldlega melt með haframjölinu og áttu þeir vel upp á pallborðið hjá mér. Sjálfsagt hafa Utangarðsmenn og Egó virkað sem hörfræ á tónlistarmeltingar veg minn þannig að Stiff runnu ljúflega í gegn. (skáldlegt er það, en fyrir þá sem ekki vita þá virkar ein matskeið af hörfræjum með glasi af vatni í nokkrar daga, vel á þrálátt harðlífi)