Arnies

Auglýsingaherferðin er hafin!

2010-01-18T13:14:00.000-08:00

Fran-eyjarhúfur

2009-12-20T04:37:00.002-08:00

Jólin koma.

Hér er falleg mynd sem móðir mín tók af heimili sínu að vetrarlagi, jólaleg mjög!

Grettir sig og bara hlær.

2009-01-09T05:42:00.000-08:00

Líkir?

2009-01-04T06:44:00.000-08:00

Framherjapör

2008-10-06T17:09:00.000-07:00

Jú oft vilja þjálfarar stilla upp mismunandi gerðum af leikmönnum í fremstu víglínu...t.d. einum stórum og einum litlum. Sá stór getur skallað hann fram á þann litla sem er yfirleitt snöggur og sfrv. Hér getur að líta dæmi sem er dálítið ýkt.

Hér sjáum við þá Peter Crouch og Jeremine Defoe framherjapar Pourtsmouth, ólíkir : )

Út úr plötuskápnum

2008-10-05T10:58:00.000-07:00

Hlustaði með öðru eyranu á þátt Jóns Ólafssonar á rás 2, Út út plötuskápnum. Þar var Dögg Hjaltalín með sinn plötuskáp. Ágætis kona sjálfsagt, en á tímabili lét ég það fara í taugarnar á mér hve mikið hún át upp eftir hann Jón okkar. T.d. Jón segir, "áttu mikið af plötum?"
Dögg: "á ég mikið af plötum...?"
einnig kom svo...
Jón:"Hvernig voru Kínverjarnir??"
Dögg:" Kínverjarnir..."
osfrv... þið getið sannreynt þetta hér!

Sjónvarpsdagskráin

2008-10-02T04:20:00.000-07:00

Jú góðan dag.

Rak augun mín, sem Guð gaf mér, í sjónvarpið (líklega nákvæmlega fyrir viku síðan) og er þá ekki farið að sína hinn "frábæra" þátt aftur Kallakaffi! Maður og lifandi, tek orð Dr. Gylfa mér í munn og segi, hvílík ÖMURÐ! Ofsalega lélegt efni og ófyndið með öllu. Hvet sem flesta að kíkja á, er á dagskrá fim kl.18.25.

Íris Hulda 11 og hálfsmánaða gömul.

2008-10-01T05:03:00.000-07:00

Misheppnuð kaup á Anfield

2008-09-19T17:46:00.000-07:00

Ég hef fylgst með fótbolta og þá Liverpool frá c.a. 1981. Frábær tími hjá Liverpool 1980-1990 en svo hefur þetta verið nokkuð erfiður tími og oft hefur maður hugsað hvort þetta lið sé þess virði að gleðjast með og jú gremjast yfir.

Stundum er maður rasandi yfir leikmönnunum er fá borgað fyrir að æfa sig að sparka bolta og fá að klæðast rauðu treyjunni því oft hafa leikmannakaupin verið lofandi, en maður lifandi hve illa sumir þessa manna hafa leikið.

Fyrstan ber að nefna Igor Biscan.
Keyptur á Houllier árunum 2000-2005. Maður sem átti að hnýta saman vörn og miðju og vera eftirmaður Hamanns. Skemst frá því að segja að Igor náði aldrei að fóta sig almennilega, skoraði 2 mörk í 118 lekjum. Gerði góða hluti í tveimur leikjum, en spilaði annars eins og fífl þess á milli.

Annar lágklassaleikmaður er norðmaðurinn Björn Tore Kvarme. Roy Evans fékk hann frá Rosenborg. Hann byrjaði víst ansi vel og lék alltaf í hægri bakverðinum. Nokkur skelfileg mistök gerði hann innanvallar og hinn norski Kvarme var tekinn út úr liðinu í framhaldinu, þrátt fyrir að Evans hafi verið mjög þolinmóður gagnvart kalli og leift honum að spila áfram í mánaðartíma þrátt fyrir mjög slæm mistök í vörninn. Drengurinn var svo seldur fljótlega.

Meira síðar.

Þetta er alveg að koma : )

2008-09-15T17:27:00.000-07:00

Þarna er hún í fyrsta skiptið að standa óstudd og virkar bara ansi brött, allavega mikil ákefð : )

Liverpool-M.Utd í dag

2008-09-13T02:41:00.000-07:00

Líklega of sóknarmiðuð uppstilling, en væri kannski skemmtileg. Skrtl verðu sjálfsagt líka inn á í stað Aggers.

Annars er uppstillingin í dag á liðinu mikil ráðgáta. Steven og Torres hafa verið frá, kannski snjall leikur hjá Benitez að láta alla halda að þeir tveir væru meiddir, sluppu báðir við landsleikina og mæta frískir til leiks í dag, úthvíldir.

Rieri, spænskur kanntmaður verðu kannski með í dag, veit ekkert um þann þrjót, vona að þetta sé ekki enn eitt ruslið sem Benitez er að kaupa, annars eru vandræði L´pool að mínu mati fólgin í því að ekkert almennlegt kanntspil er í gangi.

Keane, þarf að kom sér í gang og við viljum sjá Babel inná.

Allt of langt síðan sigur vanst mót þessum erkiféndum, tökum þá í dag 1 og 0.

Ísland gegn Skotum í kvöld

2008-09-10T03:20:00.000-07:00

Vil vekja athygli á því áður enn við vinnum alla leikin á HM í fótbolta,
að íslenska landsliðið byrjaði rosalega vel í fyrsta leik sínum á EM frekar en HM síðast.
Þá var Eyjólfur Sverrisson landsliðisþjálfari.
Við tókum Íra í bakaríið í fyrsta leik og það á útivelli 1-3. Myndin er tekin á leik Íslands gegn Ítalíu þar sem aðsóknarmet var slegið.
Næstu leikir voru hrein hörmung og Eyjólfi kallinum
sagt upp starfi sínu því ekkert gekk né rak hjá liðinu.

Landsliðið gerði góða ferð til Noregs nýverið í sínum fyrsta lek á HM, svo nú ríður á að standa í lappirnar og nýta vindinn er við höfum í seglum og það frá Noregi.

Ein athugasemd við valið á liðinu, hví ekki Gunnleif HK-ing í hópinn?

Sjálfur fer undirritaður á völlinn í kvöld með einkasyninum, vonandi hin mesta skemmtan.

Spá: Markaleikur 3-2 öðruhvoru megin.

Ýmist-eins og svo oft er skrifað á vinnuskýrslur

2008-08-24T17:14:00.000-07:00

Jú Ísland vann silfrið í dag eða tapaði og fékk silfur...en það verður jú að greina kjarnann frá hisminu, ég var að hlaupa 10 km hlaup á laugardaginn í Glitnishlaupinu!

Gekk þolanlega, byrjaði full aftarlega og þurfti að hlaupa fyrsta kílómeterinn frekar rólega. (hefði sjálfsagt sprengt mig ef ekki hebbði þetta ágæta fólk hlaupið þetta svona rólega og haldið aftur af mér)

En endaspretturinn og meðfylgjandi myndir bera það með sér að gnægð var af orku til að klára þetta hlaupa á betri tíma en raunin var.

Myndirnar eru settar fjórar saman og teknar hinumegin við götuna með mjög skömmu millibili.-smellið á til að stækka upp og lesið meðfylgjandi texta að neðan!

Mynd nr.1-Óþekktur maður í mynd á sér enskis ills von, er nokkuð "save" með 278. sætið
Mynd nr.2-byrtist ekki úr "djúpinu" stórnefur í rauðum bol með allt of mikið keppnisskap.
Mynd nr.3-(ath að hér líða innan við 2 sek á milli mynda smkv myndaskrá,) stórnefur sést bakvið manninn en það glittir einungis í nebbaling (myndinni hefi verið hleyptupp svo þetta sjáist betur.)
Mynd nr.4- móðir mín og frænkur bíða enn, en ég er mættur fyrir aftan þær án þess að þær tækju eftir neinu, slíkur var hraðinn er ég þaut hjá!

Þess ber að geta að Bjarney og Elías hlupu 10 km ásamt karli föðurmínum 62 ára gamall.

Einnig hlupu Adda og Þórhallur 21 km. 3 km fóru svo Móðir mín með silfurmjaðmakúlurnar, Ívar 7 ára og Helga 34 ára ásamt frænkum mínum Eyrúnu og Hrund.

Helvíti skemtlegt og skora ég á fólk að taka þátt í þessu, þetta er einstök upplifun.

Aðeins bara 10 kílómetrar, eins og segir í laginu.

2008-08-18T15:30:00.000-07:00

Nú líður að Glitnismaraþoninu. En að vísu ætla ég bara að hlaupa 10 km.
Nú stendur undirbúningurinn í hámarki, fór af því tilefni út að skokka áðan og hljóp (óvísindalega mælt, á bíl)4,5 km á tímanum 23-25 mín (óvísindalega mælt, því ég leit á el(g)dhúsklukkuna áður en ég hljóp út og kíkti svo á hana um leið og ég kom inn aftur)

Menn halda kannski að ég hafi lítið hlaupið, en ég var í vetur í skokkklúbbnum Skokkrok. Við lögðum af stað með fögur fyrirheit um að hittast á laugardagsmorgnum og skokka létt og fara í pottinn. Fórum 3svar sinnum og í eitt af þessum þremur var 13 gráðu frost, þetta var í janúar 2008.

En gangi okkur vel í þessu hlaupi þar sem gleðin verður við völd. Pabbi ætlar að taka 10 km föstum tökum og Bjarney og Elías líka. Þórhallur og Adda skella sér svo í 21 km. Ég ætla hér með að setja á mig pressu og hafa það sem markmið að ná 10 km á tímanum 45 mín eða undir!

Lindarpaprikur

2008-07-21T15:59:00.000-07:00

Hér eru paprikurnar mínar og Ívars orðnar dálaglegar, en ennþá grænar.

Sáðum fræjum af appelsínugulri papriku í mars eða apríl, geri ráð fyrir að þær verði þá appelsínugular líka þessar??
En þær eru orðnar þetta 5-6 cm í þvermál.
Bráðum þarf ég að fara að eta þetta og gefa því smkv talningu eru þetta um það bil 10 paprikuplöntur sem gefa af sér smkv talningu sonarins (tvítalið) 88 stk. paprikur, sé tekið mið af þeim blómum sem svo verða að papriku.

Spennandi!

Skoffín

2008-07-10T16:23:00.000-07:00

Hér getur að líta dótturina, Írisi Huldu.
Þarna er hún tiltölulega "eðlileg", en þegar ég set upp réttu grettuna fæ ég að launum þessa grettu hér að neðan : )

17. júní.

2008-06-23T12:06:00.000-07:00

Frábær 17. júní afstaðin (dálítið seinn á mér hér með blogg). En fór í fyrsta skiptið í 3-4 ár á Rútstún okkar Kópavogsbúa. Þar var margt um manninn og öll skemmtan hin besta. Ungviðið undi sér í leik og starfi, við hin sleiktum sólina þegar tími gafst í brekkunni mót sviðinu og keyptum kandíflos fyrir 500 kall eða eitthvað álíka, en enginn lét það skyggja á fölskvalausa gleðina hve sælgætissölur staðarins mökuðu krókinn sinn.

Um kvöldið kíktum við svo aftur út á tún og ekki var stemningin síðri þá. Þar rak ég augun í mann sem ég hafði ekki séð lengi, tók mynd af honum en hann snéri sér leiftursnögt er ég smellti af, svo ekki sést framan í hann. Hér er því spurt, hver er maðurinn? Þess ber að geta að leiftrandi danshæfni hans var góð svo eftir var tekið. Maðurinn er vinstramegin á myndinni.

Stórval

2008-06-17T16:42:00.000-07:00

"he he e....ég bjó til lagið....hmmm heh eh"segir hann hárri og skrækri röddu, eftir að hafa sungið eitthvert lag frekar dúpri og brotinni röddu sinni
"fallegt lag..." segir spyrilinn
Hann svarar með skrækri röddu sinni: "Ég bý ekkert til nema falleg lög..., ég er ekkert að vaslast í öðru!!"

Frábær heimildarmynd á rúv áðan um Stórval :)

EM-2008-bjargvættur á meðan beðið er

2008-06-15T06:24:00.000-07:00

Eins og fyrirsögnin segir þá er maður næstum ekki með nein fráhvörf vegna enska boltans, þökk sé EM.
Að mínu viti frábært mót með leiki með hátt skemmtanagildi.

Ég fór í getskaparfötin og spáði Króatíu sigri á mótinu og Rúmeníu í annað sætið (spá fyrir mót). En mér virðist sem Hollendingarnir verði erfiðir við að eiga og Spánverjar líka ef mín spá á að ganga eftir.

Liðin sem ég tel að verði í topp 5 eins og þetta lítur út núna:
Holland
Króatía
Spánn
Þýskaland
Portúgal

Held að Króatía gæti komist alla leið, en Rúmenía á frekar erfitt verkefni fyrir höndum og þar sem ég tel að Ítalía vinni Frakka þá komast Hollendingar og Ítalía áfram úr dauðariðlinum
Sjáum hvað setur.

EM-2008

2008-06-07T10:57:00.001-07:00

Fyrsti leikur búinn. Svissarar komu svolítið á óvart, Tékkar líka þ.e. þeir voru frekar slakir.

Mína spá fyrir leikinn var 1-1
Úrslit leiks : 0-1 Tékkum í vil.

Nú er þetta er skrifað er c.a. 3 korter í næsta leik Portugal-Tyrkland
Mín spá fyrir leik er:1-2 Tyrkjum í vil
Úrslit leiks:2-0

Portúgalir nokkuð sannfærandi, ég hélt að Tyrkirnir væru aðeins betri.

Lag dagsins-það er cool ég ætla að gera svoleiðis líka.

2008-05-28T15:08:00.001-07:00

Arnie er samur við sig og er ekkert að finna upp hjólið í tónlistarvali, þessi gaur gerði það máski in the old days.
Lagið er af Let it be plötu Bítlana-en hér er tekur hann þetta kallinn bara á kassagítarinn sinn og það í Abbey road studioinu.

Sumar 2008

2008-05-07T14:36:00.000-07:00

12 lið í fyrsta skipti á Íslandsmótinu í knattspyrnu, mikið gleðiefni fyrir okkur er höfum gaman af þessar íþrótt. Ég ætla að smella mér í spádómsgallann og sjá hvernig mótið endar.

Nokkrar vangaveltur hafa verið í blöðum og á netsíðum um hvernig þetta fer allt saman, veit ekki hvort það séu tilfinningarnar sem ráða hér för, en ég tel, í það minnsta, HK muni enda ofar á töflunni en menn er almennt að spá, vonandi Breiðablik í líka.

1. Valur
2. FH
3. Breiðablik
4. KR
5. ÍA
6. Fylkir
7. HK
8. Fram
9. Keflavík
10. Þróttur
11. Grindavík
12. Fjölnir

Óvissuþættirnir eru vissulega nýliðarnir, veit í raun ekkert um þá. HK á sínu öðrutímabili, Keflavík virkar eitthvað valtir og vængbrotnir (bara tilfinning út frá því hvernig þeir léku síðust 9 umferðirnar í fyrra) og svo er KR og ÍA svolítið óskrifað blað. Blikar hafa svosem aldrei staðið undir væntingum og hef ég alveg hætt að gera væntingar til míns æskufélags en læt það eftir mér núna og vona að þeir nái að jafna sinn besta árangur frá 1983.

Aus Berlin gefaren

2008-05-03T15:55:00.000-07:00

(rómantík)

Jú ný færsla hér. Facebookið að ganga frá blogginu?

En ég brá mér til Berlínar 11. apríl með HN:Markaðssamskiptum (m.ö.o Hér og Nú auglýsingastofa)

Dvöldum við á mörkum austur og vestur-Berlínar í blíðskapar vorveðri og kneifuðum hvítfyssandi mjöðinn þegar líðatók á daginn.

Berlín er gríðar skemmtilegur og notalegur staður til að vera á. Borgin uppfull af sögu og skemmtilegheitum.

(gæti verið plötualbúm)

(menn orðnir góðglaðir)

Þrjú snilldar atriði úr kvikmyndasögunni OTTO!!

2008-04-07T17:02:00.000-07:00

Besta "mæm" sögunnar.

Hér stendur hann frami fyrir vandamálunum þremur. Í leit að fé finnur hann sér svertingja til að selja sem þræl en þrælahald er jú bannað því gat hann sektað konuna sem keypti af honum þrælinn. "Scwartse kopf, schwartse buk und schwartse fuss!!" eða eitthvað á þá leið.
Horfið!

Einu sinni var mér rosalega illt í bakinu

2008-04-06T13:55:00.000-07:00

Smellti inn beinni línu til að sýna hve skakkur ég er á líkamann.
Rakst á þessa mynd í tölvunni hjá mér, vona að þið virðið það við mig að ég er þarna á nærhaldinu mínu.

Dagsljós 199?

2008-03-15T16:18:00.000-07:00

Kiddi nokkur sem býr á Egilsstöðum, er diskódansari, líkkistusmiður og rekur vídeóleigu allt þetta í félagi við móður sína og föður. Diskódansinn stundar hann þó alfarið sjálfur og tekur upp á vídeó. Á vísi punktur is segir frá fyrstu ferð hans til útlanda nú nýverið nánar tiltekið Jamaika. Þar hefur hann slegið í gegn og tekið smá diskó sjóv fyrir fólkið (eins og hann orðaði það), þeir eru víst að notast við svipaða dansa þar ytra, að sögn Kidda. Bara að maður hefði þessa danshæfileika.

En ég segi bara, HORFIÐ!!

Hugvekja

2008-02-24T01:49:00.000-08:00

Sunnudagsmorgun, kaffið komið á könnuna, og ég er að raða leirtauinu í vélina. Klukkan er ekki nema 9 að morgni og ég er klæddur og kominn á ról án nokkurs þrýstings, búinn að borða morgunamatinn og allt, fór meir að segja út að skokka með vandamönnum í gær fyrir hádegi. Hvað er að gerast, er ég að verða fullorðinn? Held samt ekki. Man reyndar eftir því þegar ég var kallaðu "kall" af einhverjum krökkum í fyrsta skiptið fyrir allmörgum árum. En ég var nú spurður um skilríki í ríkinu fyrir hálfu ári síðan svo það getur ekki verið að ég sé fullorðinn. En það að vera fullorðinn er ekki endilega útlitslegt, heldur meira hvernig maður hagar sér. Mamma og pabbi hafa alltaf verið fullorðin, þegar ég var 7 ára voru mamma ekki nema 29 ár, pabbi 33 ára , yngir enn ég er í dag, en samt bullandi fullorðin, að mér fannst í það minnsta.

Hér eru nokkrir vísbendingar þess að maður sé að fullorðnast:
-Maður tekur fyrsta bílastæðið á planinu sem maður sér, þó það sé óralangt í burtu frá versluninni.
-Útvarpsstöðin sem þú hlustar á er Rás 1(gufan) eða það er bara slökkt á tækinu í bílnum, nema þegar fréttir eru þá má hækka allt upp úr öllu valdi.
-Maður er hættur að geta sofið út og fer snemma í háttinn.
-Maður borðar brauðsneiðar af sitthvorri gerðinni og leggur þær saman í samloku án þess að velta því fyrir sér. osfrv...

Líklega er nú ómögulegt að segja hvenær maður hefur fullorðnast. En af mannfræðirannsóknum mínum í gegnum árin held ég að niðurstöðuna sé að finna í tímanum. Í dag líður ein vika nánast eins og um nokkra klukkutíma sé að ræða. Atburðir sem áttu sér stað fyrir mörgum árum finnast manni eins og hafi gerst í síðasta mánuði. Tíminn líður hratt... og allir þekkja restina, í það minnst þeir sem eru orðnir fullorðnir.

Veður

2008-02-18T12:18:00.000-08:00

Nú er svo komið að þjónusta við veðuráhugamenn verður stórbætt hér á síðunni. Ekki bara geta menn sótt sér veðurupplýsingar á bbc-veðurvefnum hér til hliðar, heldur er Einar Sveinbjörsson kominn með link hjá mér, veðurblogg.

Fyrir þá sem ekki vita þá var ég ekki hár í loftinu er ég hóf að gá til veðurs.
Auðvitað átti maður sér uppáhalds veðurfræðing, líklega sá vinsælasti hefur veirð Trausti sem var með nýjungar við veðurlýsingar sínar og fékk að launum skemmtiþátt með Guðna Kolbeinssyni. Það kenndi okkur nú þá lexíu að auðveldara er að vera fyndin við vissar aðstæður en aðrar (ef hægt er að taka svona til orða). Ég hef haldið tryggð við Pál Bergþórs eftir að ég fékk Veður-bókina í jólagjöf frá Gúndý ömmu, einnig fékk ég bókina Hvernig viðrar frá Benna í 32 ára afmælisgjöf, það voru ekki eins margar myndir í þeirri bók svo hún var ekki jafn góð.

Jæja, boltinn farinn að rúlla

2008-02-16T06:47:00.000-08:00

Drengurinn 7 ára kominn í 7. flokk Breiðabliks og æfir 3x í viku við bestu aðstæður sem völ er á á Íslandi í dag.
Í dag var svo mót í Keflavík. Gríðarlegur fjöldi leikmanna var þarna saman kominn, eða um það bil 100 strákar að leika fyrir hönd Blika. Ívar lék vel á mótinu en lið hans reið ekki feitum hesti, töpuðu 5 leikjum unnu 1 og gerðu eitt jafntefli, en gleðin var við völd.

Takið vel eftir yfirferðinni á leikmanni nr. 7 sem nær ekki boltanum fremst, en er svo mættur til bjargar í vörninni. Minnir óneitanlega á fyrirliða Liverpool manna, Steven Gerrard, en þarna fer Ívar Fannar mikinn!

Allir fengu svo medaliu í lokin og voru glaðir.

Þarna eru þeir frændur eftir mót. Arnar Þór gekk á milli liða á meðan mótinu stóð og skráði niður úrslit leikja. Hann stóð sig með stakri prýði og reyndi hvað hann gat að fá upp úr mér úrslit á leikjunum sem voru búnir og ég gat ómögulega munað hvenig höfðu farið.

Aðeins við þetta að bæta

2008-02-10T02:01:00.001-08:00

Auglýsingar

2008-02-07T15:26:00.001-08:00

Kannski gengur þetta svona í bylgjum, en allavega, hafiði tekið eftir því hver er heitasti liturinn hjá fyrirtækjum núna?

Uppfærsla

2008-02-02T06:08:00.000-08:00

Ég finn það svo sterkt að bloggið er að hafa sigur af Facebookinu.

Ég hefi því uppfært blogglinkana hér til hliðar. Þórhallur heldur úti tveimur síðum, Njörður er að vísu búinn að loka sinni, en vonandi fáum við eitthvað frá honum fljótlega. Sváfnir er kominn á fullt og svo hótaði Erpur okkur með bloggum en hefur lítiði gert eftir það.

Eyrún frænka er komin með nýtt blogg og Bjarney hefur haldið velli nokkuð vel. Blogg drottningin er þó Irpan sem hefur aldrei snúið baki við blogginu þrátt fyrir að hafa stundað Facebookið nokkuð duglega : )

En bloggarar allra landa, Ifil ðiggolB!!

Með kveðju, bbúlgroZ

Smá röfl um fótbolta og Liverpool : /

2008-01-22T16:09:00.000-08:00

Nú eru ein 10 jafnteflisleikir að baki hjá þessu fornfræga liði frá Liverpool, vagga knattspyrnu og tónlistar.

Rafa segir eftir leikinn við Aston Villa:
"Við vorum að stjórna leiknum og sköpuðum okkur mörg færi, en við verðum að skora annað mark til að gera út um leikinn. Ef að við hefðum skorað annað mark þá er ég viss um að við hefðum skorað fleiri mörk í kjölfarið vegna þess að við vörum að spila vel."

Jú við stjórnuðum leiknum en við vorum ekkert að spila vel. Mascerano var góður að éta upp það sem fór framyfir miðju og S. Gerrard var að gera ágæta hluti, og Hyyypia var líka helvíti fínn í fyrrhálfleik. Ég get orðið pirraður á því þegar menn eru endalaust að hnoða sér í gegnum D-bogann á vítateignum. Trekk í trekk sá ég kanntana vera al-auða en enginn vildi hreyfa sig út í það svæði, lítið um yfirhlaup sem getur sprengt upp varnir, heldur var boltanum hnoðað á Torres sem átti helst að taka hann sjálfur og skora, það gekk næstum því tvisvar en það dugar ekki næstum því!!. En það er auðvelt að verjast svona einhæfum sóknarleik, engum datt í hug að breyta til. Sem betur fer vorum við að spila við Aston Villa, ekki Utd. eða Arsenal þá hebbði farið verr. Mér finnst ég geta skrifað svona hugmyndaleysi á stjórann, því það var augljóst að ekkert mál var að koma boltanum út til hliðanna og senda svo fyrir, vantaði máski skipun frá Rafa?

Meira um fótbolta.

2008-01-20T13:14:00.000-08:00

Nú líst mér á það, okkar maður á uppleið!!

Menn og málefni.

2008-01-20T10:39:00.000-08:00

Sá þetta sem part af slúðurpakka inn á fotbolta.net
"Momo Sissoko miðjumaður Liverpool er á óskalista Monaco og Inter Milan. (News of the World) "
Út frá þessu spyr ég, hvernig getur maður eins og Momo Sissoko og t.d. Djimie Traore komist svona langt!?? Svo ég taki annað dæmi, Hara systur hvað er málið með þær hvernig í andskotanum komust þær alla þessa leið? Eru allir blindi og heyrnalausir hérna! Opniði augun og svo eyrun í Hara dæminu! Traore getur ekki neitt, myndi ekki vilja sjá hann inná vellinum hjá Breiðablik eða HK, hvað þá Sissoko!! Harasystur þyrftu að ganga ansi langt svo þær myndu fá mig sem dansara eða bakrödd hjá sér.

Bara svona að velta þessu fyrir mér.

Hvað á barnið að heita?

2008-01-15T15:05:00.000-08:00

Sagði Sr. Þorvaldur í Kópavogskirkju, Ívari Fannari stóra bróður brá heldur við uppi á altari, en snéri sér við stoltur og sagði "Íris Hulda" svo allir viðstaddir heyrðu vel og amman tók andköf. Svona var athöfnin í stórum dráttum. En eins og má sjá á myndunum þá tókum við feðgar lagið. Lagið er eftir okkur Ívar. Bjarney spilaði eitt af fallegri lögum þessa heims, lag eftir Ingu Mæju ("hálfsystur" okkar). Hafi þær báðar þakkir fyrir það (vonandi fæ ég ekki feitan stefgjaldatékka frá Skagaströnd). Bjarney lék svo undir með pabba sem söng af snilli frumsamið lag sitt við texta Helgu móður systur mína.

Frábær dagur, þakka öllum vel fyrir.

Fallegt útsýni að nóttu sem degi, Galtalind!

2008-01-13T16:34:00.000-08:00

Langt síðan síðast

2007-12-27T13:42:00.000-08:00

Langt er jú síðan ég bloggaði og þetta verður líklega mitt síðasta framlag á árinu. En það eru ekki allir sem átta sig á því að Þórhallur er að blogga enn og hér framkvæmir hann tilraun sem vert er að kíkja á.

http://prothallus.blogspot.com/

Toggi T

2007-12-06T01:41:00.000-08:00

Áskotnaðist þessi frábæra bók Þorgríms Þráinssonar, Hvernig gerirðu konuna þína hamingjusamari.

Þar fer hann í gegnum þetta sem titillbókarinnar ber með sér, og stundum fer hann í dálitlar krókaleiðir að því að gera hana hamingjusama, t.d. þegar hann segir að maður skuli passa að pottskaptið standi ekki út af eldavélinni því börn eru forvitin og geta kippt í pottinn.

Hér eru nokkur heilræði frá þessari fyrrverandi knattspyrnuhetju og nú ritsnillingi:

"Það er óviðeigandi að spyrja konuna hvort hún hafi haldið framhjá"
"Ef þú kannt ekki að setja lín á sængur og kodda skaltu taka þér tak."
Í næsta heilræði er aungvu líkara en umferða Einar sé á ferð:
"Hafðu V-in 3 í huga. Vinátta. Virðing. Væntumþykja"
"Ekki nota sólgleraugu innanhúss. Töffaraskapurinn er þá kominn í hringi og kúlið hverfur."
"Ekki segja eitthvað undir áhrifum áfengis sem þú getur ekki staðið við edrú"
"Taktu aldei þátt í drykkjukeppni, farðu frekar í sjómann ef þú þarfnast athygli"

Látum þetta heita gott í beli...meira síðar.

Verð bara að koma þessu hingað.

2007-11-30T17:16:00.000-08:00

Minn ágæti strætóáhugamaður Dr-inn frá Stútulaut (Gylfi), rakst á Stefán nokkurn Geit í strætóskýli, oftar en einusinni og oftar en tvisvar. Allt er þegar þrennt er og þegar hann hitti hann í þriðja skiptið þorði hann að yrða á meistara Geit. Fer ekki frekari sögum af samskiptum þeirra
Fallegt ljóð samdi hann og setti á síðu sína, mér þykir við hæfa að koma þessu á framfæri, með leifi Dr´s?

Eptir vagni eptir leit
ó, hve tíminn líður!
Í makindum Mr. geit
málaður, skeggsíður.

Dæmafár í doktors sveit
dedúar & bíður.
"Góðan daginn" segir geit
við Gylforce-inn blíður.

Sjonhverfing

2007-11-26T17:02:00.001-08:00

Sá þetta inn á facebook og ákvað að sannreyna þetta með nútímatækni. Semsagt á mynd 2 á maður að bera saman reit A og B og spyrja sjálfan sig eða aðra hvort þeir séu eins eða beri sama lit. En ég tók vísindin mér í hendur, fótósjoppaði semsagt reit B að reit A og sjá þeir eru með sama lit, magnað!

Hér getur að líta...

2007-11-09T16:48:00.001-08:00

...eiganda píanós!! Myndirnar voru teknar af því tilefni. Þarf kannski aðeins að strjúka yfir með rökum klút : )

Ræktun til góðs

2007-11-09T16:41:00.000-08:00

Af virðingu við umhverfið ákvað ég að kolefnisjafna a.m.k. heimilið. Plantaði nokkrum eplasteinum í mold sem ég fann í geymslunni og vitið menn, eftir viku eða svo var kominn einn stöngull! Nú eru komnir þrír svo jafnvægi er að komast á kolefnið í mínu nánast umhverfi.

Alveg agætir utvarpsþættir

2007-11-04T15:06:00.000-08:00

Veit ekki hvað það er en ég á mér uppáhalds útvarpsþætti um þessar mundir, hefur ekki gerst síðan að Ásgeir Tómasson kynnti 10 vinsælustu lögin á Rás 2 1983.
A-J er þáttur sem er á föstudagskvöldum og hef ég dottið á hann nokkrum sinnum og hlegið oft dátt af þeim Jóhanni G og Atla en báðir eru þeir leikarar. Annar útvarpsþáttur er svo á rás 1 á sama tíma, en það eru þeir Botnleðjugaurar sem eru með Pollapönk. Nú svo er yfirferð trommarans í hljómsveitinni Mínus yfir rokksöguna á Íslandi. Rúsínan í enda pUlsunnar er svo þáttur Ingólfs Margeirssonar Bylting Bítlanna sem ég er að hlusta á í 3 eða 4 sinn. En það sem kemur nú á óvart hjá Ingólfi Margeirsyni eru staðreindavillurnar í frásögninni af þeim 4 frábæru. T.d. þegar hann segir að Lennon afkynni lag á tónleikum, en það er G. Harrisson, svo textarnir sem hann túlkar á svo ýktan hátt hálft væri nóg.

Í síðast þætti fer hann ofan í textan í Drive my car: Þar segir Ingólfur í túlkunninni á textanum "maybe you can drive my car" sem á auðvitað að vera
"Baby you can drive my car
Yes i'm gonna be a star
Baby you can drive my car
And baby i love you"

Og svo bætir Ingólfur við að viðlagið endi svonai "Bee bee bee bee yeah" eins og kjúklingur segir hann...sem er auðvitað "beeb beeb osfrv"...sem er skírskotun í bílflautuna, geri ég ráð fyrir. Þetta er svo sem ekkert stórmál, en manni finnst að svona mikill bítakall ætti að geta farið rétt með texta ofl.

Fílupoki 20. aldarinnar og 21. aldarinnar

2007-10-31T15:35:00.000-07:00

Jón Viðar kom fram í Dagsljósið 1994 (c.a.) með sinn fílusvip og dæmdi leiksýningar um landið í þættinum og hann var einhvernvegin alltaf í fílu, ég hafði gaman af honum sem og fleiri. En nú hefur Páll Baldvin tekið kyndilinn af Jóni Viðari í Kiljuþættinum á Rúv, á eftir að mynda mér skoðun á því hvort ég hafi húmor fyrir þessum nýja fílupúka.

Kosningaskrifstofa Samfylkingar 2007

2007-10-31T02:56:00.000-07:00

: )

2007-10-23T12:52:00.001-07:00

Lið ársins í Landsbankadeild karla 4-4-2

2007-10-19T16:02:00.000-07:00

Þetta er skandall!! Hvar er kóngurinn, nafni minn Grétarsson!!?

Lichtenstein

2007-10-17T12:56:00.000-07:00

Í Lichtenstein búa 33 987 manns, eða svipað margir og í Kópavogi og Garðabæ saman, og jú bætum við íbúm af Álftanesinu. Landslið Lichtenstein vann íslenska landsliðið 3 og 0 í dag, við töpum heima fyrir Lettum 1-4 fyrr í vikunni!!

Við erum með Hermann Hreiðarsson, Ívar Ingimarsson, Brynjar Björn sem spila í ensku deildinni, Eið Smára Guðjhonsen hjá Barcelona, ég held áfram að telja, Emil Hallfreðsson sem er hjá ítölsku liði, margir ágætir leikmenn sem eru að spila vel í evrópu og á norðurlöndunum. Fer þessu gríni ekki að slota!? Ég held, því miður, að það verði einhver að taka pokann sinn hér.

Nýtt líf

2007-10-17T04:30:00.001-07:00

Jæja góðan dag.
Þakka þeim er hafa sent okkur heillaskeyti í gegnum hina ýmsu miðla og ég hef ekki getað svarað til baka, takk kærlega : )

Það brá svo við að ég stóð við hlóðirnar og var að undirbúa minn uppáhalds mat, kjöt í karrý, er Helga kallar í mig úr herberginu að vatnið hafi farið!! Þarna var kl 18:50 c.a. Hvað gerir maður á svona stundu, jú æðir um og veit ekkert í sinn haus og það var akkúrat það sem ég gerði. En ég reyndi að róa mig niður því einmitt fyrir sjö árum síðan fórum við upp á fæðingadeild án alls!! Við gleymdum myndavél, skýrslunni sem skal fylgja þegar farið er upp á deild ofl. Svo ég hóf að taka til dót og drasl.

Helga emjaði reglulega og ég stökk til til að vera henni til aðstoðar. Mamma og Pabbi komu til að gæta Ívars Fannars og við hófum að reyna að fara upp á deild. En það tók nú tímann sinn. Helgan var alveg cool á því þrátt fyrir að hríðar kæmu með 2 mínútna millibili og ekki hafi tekið nema 6 klst að koma Ívari í heiminn fyrir 7 árum. Hún skyldi í bað og svo koma sér uppeftir. Við bæði höfðum ekki etið neitt svo ég nartaði í kjötið og gaf henni líka. Baðið var afstaðið og kl. var orðin 20.30...nú var dálítið kapp við tímann að koma sér uppeftir. En það er erfitt þegar c.a. 30 sekúndur líða á milli hríða, manni verður ekki mikið úr verki...21.20 erum við loks komin út í bíl og hríðarnar orðnar verulega erfiðar, ég við stýrið að reyna að aka hratt án þess að fara okkur að voða og aka þannig að ekki verður mikill veltingur.

Komin upp á deild kl.21.45-útvíkkun búin!!
Rembingur í 1 klst, fædd kl. 23:59 15. okt.

Samkvæmt þeim sem ég hefi talað við (læknir og hjúkrunarkona í fjölskyldu Helgu) er það nokkuð ljóst að við hefðum fætt heima, og ég þá tekið á móti, ef að sú litla hefði ekki gert okkur þann "greiða" að vera illa staðsett, eða þvert, á leið sinni í heiminn.

Ég hef sett nokkrar myndir inn á facebook-ið...
http://www.facebook.com/album.php?aid=10029&id=714062466&saved

Fluttur

2007-10-14T04:32:00.000-07:00

Galtalind 12 er staðurinn, net-og símatenging komin á, allir í stuði.

Mesta áhyggjuefnið var þó nýr skóli fyrir drenginn, en hann tæklaði það eins og ekkert væri, hefur eignast vini hér strax.

Það er skrítið að eiga tvær íbúður, hin er tóm og er til sýnis reglulega. Fólk setur þó fyrir sig að það þarf að taka til hendinni á okkar gamla stað. Stemningin í þjóðfélaginu virðist vera svona, það vill enginn vinna við fisk eða í Bónus og það vill enginn eiga heima í niðurgrafinni íbúð. En íbúðin er föl, á hagstæðu verði, á besta stað í bænum.
(Remax-torg er síðan sem skal fara inn á til nánari skoðunnar, Rauðalækur)

En nýja íbúðin er æðisleg, ("tekur vel á móti manni," eins og eitthvert sölumannsfibblið stagglaðist á við sýningu á íbúð sem við skoðuðum í Arnarsmáranum í vor) með frábæru útsýni. Hér eru nokkur dæmi þess:

Island gegn Lettlandi

2007-10-14T04:07:00.000-07:00

Alveg þykir mér það magnað að horfa á landsliðið okkar fína. Hvað gerir það að verkum að menn sem eru að spila í Englandi, Hollandi eða Svíþjóð nánast um hverja helgi, þegar þessir leikmenn koma til leiks með landsliðinu þá geta þeir ekki komið boltanum skammlaust frá sér? Það er varla meiri hraði í landsleikjum en í leik Reading gegn t.d. Man.Utd, en samt á t.d. Brynjar okkar Björn í stökustu vandræðum með auðveldustu sendingar, hverju sætir segi ég nú bara!?

Að setja inn video er goð skemmtun

2007-10-05T01:49:00.000-07:00

Þorkatla frænka spyr hvunninn skal setja inn video á bloggið sitt. Nú þegar farið er inn á youtube.com, skoðað er þar videoið sem maður vill setja inn. Til hliðar eru tveir gluggar sem bera heitið Url og Embed, nú maður coperar "Embed" textann og paste-ar honum inn í þennan glugga sem maður skrifar venjulega textann sinn .

Hér er til dæmis mjög athyglisvert myndskeið sem kallast pixla-málun.

Tonlist.

2007-09-26T02:36:00.000-07:00

Eftir að hafa bitið það í mig að þola ekki hljómsveitina Sigurrós, hefur mér hálfpartinn snúist hugur.

Ég hef reyndar reynt að hlusta með opnum hug, séð tónleika og hlustað á í útvarpi en ekki náð þeim alveg, alltaf gefist upp. Ég komst svo að niðurstöðu að mér þótti þetta bara leiðinlegt! Samt er eitthvað í þessu, tónlistin flott, en það er kannski eins og að hlusta á sinfóníur eða jafnvel óperur að maður þarf einhvernvegin að setja sig í stellingar fyrir þessa tónlist, maður setur hana ekki á og fer að ryksuga eða eitthvað álíka (eins og maður er alltaf að gera). Mér hefur líka alltaf fundist ákveðin tilgerð í þessu og hjá þeim sem hlusta hvað mest á Sigrrós og Björk, barnalegar stelpur í kjólum og strákar sem klæðast lopapeysum þó það sé sól ofl...

Máski er það nýjasta lagi þeirra um að kenna og þessu kynningarmyndbandi fyrir myndina þeirra, Heima, að ég er farinn að þrá að heyra meira. En þetta kynningarmyndband er eitt það flottasta sem ég hefi séð. Ég veit ekki hvort ég haldi út heila tónleika eða heila plötu undir breimandi söng þeirra, en að horfa á þetta myndband og hlusta á lagið á góðum styrk er eitthvað sem skilur aungvan eftir ósnortinn.

Það er eitthvað við íslenska náttúru og þessa tónlist sem vinnur ansi skemmtilega saman.
Kíkið á þetta og segið hvað ykkur finnst.

http://emichrysalis.co.uk/sigurros/heima/film/heima_trailer.html

Belgia 1980

2007-09-16T17:40:00.000-07:00

Framlag Belga 1980 í Júróvision var einstaklega glæsilegt. Það má draga margan lærdóminn af þessu atriði.

Little wing

2007-09-12T16:34:00.000-07:00

Hér að neðan eru nokkur tóndæmi. Öll af hinu frábæra lagi Hendrix, Little Wing.

Fyrstur á mælendaskrá er Steve Ray Vaughan, hann gerir þetta helvíti vel kallinn.

Hér að neðan er gaur sem hefði mátt taka kommentið úr Amadeus myndinni um Mozart, til sín, Too many notes!!. Ofsalega hraður gítarleikari sem spilar þetta á kassagítarinn sinn, en maður lifandi hvað hann fyrir mér skemmir lagið með allt of mörgum spiluðum nótum.

Nú svo er það svartimaðurinn, höfundur lags og texta.

3 stig

2007-09-12T09:41:00.001-07:00

Svona er hann kynntur til sögunnar í bókinni. "nafn mitt er Snúður Snepill Cand. jur"

Hver er maðurinn??

Snuður Snepill er...

2007-09-11T03:40:00.000-07:00

...ekki dýr, heldur maður. Hann kemur við sögu um miðbik bókar og fokkar öllu upp.
4 stig í boði. Hver er maðurinn?

Fjölgun í fjölskyldunni

2007-09-06T12:16:00.001-07:00

Óvænt fjölgaði í 3ja manna fjölskyldunni að Rauðalæk í gær, allt í einu orðin 4! Obobb bobb, þetta gæti misskilist!! Nýi meðlimurinn er dverghamstur, og þjónaði hann tilgangi afmælisgjafar handa Ívari.

Dverghamsturinn hefur fengið vinnuheitið Snúður Snepill (stytting, Snúlli Snepill).
Að sjálfsögðu var það Ívar Fannar sem stakk upp á þessari nafngift en hún er tekin úr hinni frábæru bók Lukku Láka, Rangláti dómarinn sem við vorum að lesa. Ef einhver man eftir Snúði þá má hinn sami segja frá (þetta er getraun, 5 stig í boði. Í næstu færslu verður gefin önnur vísbending og fyrir rétt svar þar er 4 stig.)
Í leit minni að Lukku Láka forsíðum lenti ég að sjálfsögðu á sænskri síðu sem gerði mér það ljóst að það eru ansi margar bækurnar sem á eftir að þýða og vona ég að það verði gert áður en ég verð allur. Það þarf náttúrulega ekki að taka það fram, en það er bannað að kíkja í bókina og verða sér út um upplýsingar!!

Betri þjénusta.

2007-09-02T14:06:00.000-07:00

Nýjir linkar komnir á síðuna og nýr bloggari, enginn annar en strætóbloggarinn Gylfi. Fáir eða aungvir blogga eingöngu um strætókerfi Reykjavíkur og víðar og það á þann máta að maður hefir skemmtan af. Skora á fólk að vera ófeimið við að kynna sér þetta.

Meira youtube, og nu galdrar!!

2007-08-31T17:39:00.000-07:00

Daða til heiðurs, Udo Dirkschneider og felagar i kringum 1985

2007-08-30T01:24:00.001-07:00

Pele kennir okkur fotbolta

2007-08-25T16:33:00.000-07:00

Ofsóknir

2007-08-24T16:20:00.000-07:00

Það er ansi magnað, en ég hef orðið fyrir ofsóknum. Það er nánast sama hvert ég fer eða hvað ég geri, allsstaðar er Þórólfur Árnason að sniglast í kringum mig!!
Nokkur dæmi:
Ég fór á völlinn um daginn, sá UBK mót KR, ég kem 5 mín of seint, sest ofarlega í nýju stúku Kópavogsbúa, mínútu síðar kemur Þórólfur og sest fyrir framan mig!! Ég ákvað að hlaupa 10 km á menningarnótt, er ekki Þórólfur einn af þátttakendum í 10 km, kom reyndar svolítið á eftir mér í mark he he... : )
Ég fór á Fram-UBK, Þórólfur mættur! JÁ!

Ég fer í Laugardalslaugina, (þetta hefur gerst oftar en einu sinni og oftar en tvisvar) Þórólfur í sturtunni!!
Ég fæ mér pulsu í pulsuvagni, Þórólfur er maðurinn sem kemur á eftir mér...

Hér eiga engar ýkjur sér stað, aðeins er um staðreyndir að ræða, það er meir að segja mynd af honum á blogginu mínu!!

Tónvinnsluskóli Þorvaldar Bjarna

2007-08-22T13:57:00.000-07:00

Tónvinnsluskóli Þorvaldar Bjarna-þetta er linkur inn á lagið fína, það er nr. 9

Jæja þá er loksins komið að því!! Tónvinnsluverkefnið mitt og tveggja félaga minna.

Lagið er unnið upp úr formúlu Bon nokkurs Jovi, (intro, vers, intro vers, viðlag intro osfrv...) textinn er frasar og lagaheiti úr Bon Jovi lögum. Við tókum þennann pólinn bara til að vinna út frá einhverju og þetta fannst okkur vera ágætt grín.

Lagið er tekið upp í Studio Sýrlandi, Atli syngur aðal röddina..., sjálfur tek ég undir í viðlögum og radda þegar við á.

Eiður bassaleikari Todmobile spilar á bassa, Gunnar gítar (Sól dögg), Trommuleikur er í höndum Óla Hólm (Todmo og Ný dönsk, Dúndurfréttir ofl...), Stefán hljómborðsleikari leikur á hamond orgel (Buff) Upptökur voru í höndum okkra þriggja, Arnar, Atli og Kobbi, höfundar lags og texta.

Hlaup

2007-08-21T15:29:00.001-07:00

Við feðgarnir fórum og tókum 10 km á Menningarnótt(dag) og kláruðum það með elegans!!

Ég var að gera þetta í fyrsta skiptið og ég held að þetta sé ég þarna á myndinni sem er svona frekar niðurlútur á milli tveggja manna. Ég held að þarna séu um 6-7 km að baki.

Þetta var gríðar skemmtileg, stemningin er einstök. Til marks um átökin þá er ég farinn að geta gengið nokkuð eðlilega í dag, þriðjudag.

Hlaupið hefst og maður er dágóða stund að komast yfir rásmarkið sökum fjölda þátttakanda, við bræðurnir vorum t.d. rétt tæpa mínútu að komast yfir rásmarkið. Svo tekur alvaran við og maður reynir að skauta framhjá þeim er fara aðeins hægar en maður sjálfur og kvatningarópin alla leiðina hjálpa mikið.

Svo er maður að þreifa á þessu alla leiðina, hræddur við að fá hlaupasting og þurfa að stoppa eða hreinlega að springa, hvenær skal bæta í og slíkt. Ég var heldur illa búinn hvað skófatnað varðar og var með aðeins of mikið af cheeriosi í maganum, svo hraðinn var miðaður við eins og hlaupastingurinn leifði.
Hápunkturinn er svo að reyna að vera ekki alveg að drepast þegar maður hleypur inn lækjartorgið og í mark, en þar er til staðar fjöldi áhorfenda sem klappar saman höndum og kvetur mann yfir endamarkið.

Heyrst hefur að Bjarney systir ætli að spreita sig a.m.k. við 10 km að ári og þá stefni ég á að ná þessu undir 40 mín!!

KR-Valur 0-3

2007-08-08T15:42:00.000-07:00

Engu liði óskar maður falli úr deildinni...eða jú!! KR!!

Heimska timabilið

2007-07-30T17:51:00.000-07:00

Jæja nú fer heimskatímabilinu að ljúka og enski boltinn að rúlla á ný, einnig koma menn úr fríi frá bloggi : )

Mikið að gerast á leikmannamarkaðnum. Mest spennandi er jú að sjá mína menn hvort batamerki verða á leik "okkar" og Torres og fél fari að skora mörk og S.Gerrard fái að leika alla leiki í sinni stöðu, þ.e. inn á miðju vallarins. Einnig sýndist mér Sissoko í æfingleik geta bara komið boltanum skammlaust frá sér...

Næst mest spennandi er að sjá hvernig Arsenal vegnar. Manni finnst eins og þeir séu að endurnýja sitt lið en í raun er það bara Henrý kallinn sem er farinn, sem er ekkert bara!! En svo er Reyes að fara fyrir alvöru, en hann var á lánssamningi lengst af síðasta tímabili...West Ham er líka lið sem gaman verður að fylgjast með, Eiður máski að fara þangað, sem og Newcastle Owen litli farinn að hlaupa á ný...og svo verður líka gaman að sjá Sunderland með Roy Kean sem þjálfara.

Eitt skyggir þó á, en það er verðlaggning Sýnar á boltanum, það liggur við að betra sé að fara á pubba bæjarins, kaupa sér að snæða þar og drekka ölið og koma út með meiri pening í vasanum. Ég tók eftir því með sjálfan mig, þegar ég var með Skjá sport, þá horfði ég eiginlega bara á Liverpool sem spilaði einu sinni og stunum tvisvar í viku (ég sleppti bikarleikjum) og svo horfði ég á mörkin á sunnudögum og svo sérfræðingaþáttinn sem var á mánudagskvöldum.

Samanlagt gerir þetta 3-4 klukktíma á viku í áhorf. Sýn 2 verður máski með eitthvað meira til að horfa á en Skjárinn var með en maður er ekkert að horfa á alla leikina og vill þar af leiðandi ekki borga rúmar 4000 kr á mánuði fyrir þetta. Sá eða sú sem skilur og veit hve mikið maður borgar má endilega commenta hér að neðan.

Svo er til önnur leið en sú að fara á pöbbinn og stanga úr nokkrum öllllurum og eta feitt ket með mæjónessósu en sú leið er að ég gæti keypt mér árskort í World class og farið a.m.k. alltaf á laugardögum eða sunnudögum og æft og horft á leiki á meðan og komið út með svipaða upphæð á árs grundvelli, eða um 45- 50 þús. en svo auðvitað bætist á þetta ef maður tekur M12 áskrift stöðvar 2 og Sýn 2 og bleble jad´fa sd´flka ´s...........

En það væri nú gaman ef menn tæku fram spámanninn sinn og spáðu nú fyrir um 5-6 efstu sætin sín í deildinni...og máski 3 neðstu??

Hér kemur mín spá:

1. Man.Utd
2. Liverpool
3. Chelsea
4. Arsenal
5. Man. City
6. Tottenham
7. West Ham
8. Sunderland
9. Bolton
10.Newcastle
------
Middlesbrough
Wigan
Derby

Ég hef nú ekki verið spádómslega vaxinn hingað til en það þýðir lítt að gefast upp, spyrjum að leikslokum, sýnd veiði en ekki gefin og allt það : )

Ættarmotsmyndir

2007-07-26T04:44:00.001-07:00

Ættarmót 2007

Best er að skoða þetta sem "slidshow" þegar búið er að opna fælinn.

El Koala!! Uppáhaldshljómsveitin mín frá Mexikó

2007-07-24T13:25:00.000-07:00

Athugið þennan link.

2007-07-23T17:21:00.000-07:00

http://jax.blog.is/blog/jax/entry/267128/

Að fara á Þingvöll er góð skemmtun.

2007-07-15T18:33:00.000-07:00

Það er skrítið að segja það, en það kom mér dálítið á óvart hve Þingvellir eru fallegur staður. Smelltum okkur í tjaldvagnsútilegu um helgin, náði nokkrum skemmtilegum myndum af familíunni, og nokkrum óléttumyndum. Kíkiði á myndasíðu Arnars og sjáið afrakstur, hefur sjaldan eða aldrei tekist betur upp í myndsmíðum.

Froðusnakkur!!

2007-07-05T12:57:00.000-07:00

Rejsen til Tyrklands

2007-07-03T16:14:00.000-07:00

Nú er hún ferðin komin á vefinn. Smelliði hér á myndaalbúm neðar á síðunni fínu, hækkiði hitann upp um eins og 23 gráður (það er að segja ef venjulegur stofuhiti er um 23) og komist í Tyrklandsfílíng.

En af skubbi...

2007-07-03T06:11:00.000-07:00

Það er ábyrgðarhluti að skúbba, sagði aldinn frændi minn mér...ég hljóp aðeins á mig þegar ég komst í dagbók ákveðinnar stofnunar hér í bæ og sá skráð Tom Waits tónleikar og spurningarmerki fyrir aftan. Ég grenslaðist freka um málið og hér er um að ræða ábreiðutónleika sem hugsanlega verða. Ákveðin vonbryggði, en lífið heldur áfram.

Skúbbedí skúbb...

2007-06-30T17:31:00.000-07:00

Máski er þetta eitthvað sem allir vita?? En ég hef þær fréttir að færa að Tom Waits muni spila hér á landi í haust, ekkert er staðfest en það er eitthvað í vinnslu...

Lagnafréttir

2007-06-30T16:33:00.001-07:00

Sinn er nú siðurinn í hverju landi, og þegar kemur að salernisferðum er engin undantekning þar á.

Ég hef t.d. þurft að hafa blómlegar hægðir í Frakklandi í salerni sem nam við gólf eða á meðal flugna í kamar úti á landi, og einhvernvegin, á yngri árum, rámar mig í notalega stund í þessa, sem betur fer hjá flestum, sjálfsögðu aðgerð út í guðsgrænni náttúrunni.

En í landi Tyrkjans setja þeir sinn úrgang, í flestum tilfellum, í salerni, eins og við höfum hér nirðra. Nema hvað að á öllum salernum þeirra er vatnsstútur (sem ég hælæta á myndinni hér að ofan) sem maður skrúfa frá (með þartilgerðum krana, hægramegin við kósettið, mynd að neðan) að loknum hægðum og skolar sig að aftan og "dúmpar" svo létt á til þerris með salernispappír.

Pappírinn fer svo aldrei í klósettið heldur í ruslafötuna til hliðar við þau(vegna ónógrar breiddar á frárennslislögnum).

Þetta er eitthvað sem mætti taka til fyrirmyndir því óneitanlega er þetta (af reynslu minni) til sparnaðar á pappír og því væntanlega á skógum heimsins í allri kolefnisjöfnunarumræðunni.

Tyrkland

2007-06-30T16:01:00.001-07:00

Eins og gefur að skilja verða næstu færslur helgaðar Tyrklandi og dvöl okkar þar ytra.

Hitabylgja gekk yfir Marmaris og svæðin þar nærri þremur dögum eftir að við lentum í Tyrklandi. Hitinn var 40-48 gráður, sem fyrir mitt leiti var bar-a notalegt, aldrei kalt. Í stað þess að það væsti um mann var sá möguleiki fyrir hendi að kæla sig í sundlauginni ef hitinn fór eitthvað í menn og við hin gátum bakað okkur í sólinni og notið hitans. Sérstaklega þótti mér notalegt um borð í þessum báti (sem myndin af okkur feðgum er tekin) þar sem ég keypti mér nudd á efra þilfari bátsins. Sælan var mikil er líkamar okkar nuddarans mættust og báturinn ruggaði mér nánast til hinstu hvílu. Óneitanlega hljómuðu fyrir eyrum mér sjómansslagarar Grettis Björnssonar og félaga sem fjalla um yndisleik þess að vera til sjós, við ruggið og nuddið : )

Svo ég haldi áfram að mæra hitann þá hefur hann þau áhrif á fólk að ekkert verðu úr verlsunarferðum og óþarfa göngutúrum, svo notalega stemning skapast á sólbekkjum í kringum sundlaugina : )

Veðrið um víðan heim.

2007-06-13T08:40:00.000-07:00

Hér er linkur inn veðrið á Marmaris í Tyrklandi, þar sem ég verð í sumarfríi næstu tvær vikurnar
http://www.bbc.co.uk/weather/5day.shtml?world=0155

Svo hef ég einmitt komið þessum link fyrir hérna efst á síðunni hjá mér, ófeimin að fara þarna inn og kanna veðrið hm... : )

Jæja

2007-06-13T08:34:00.000-07:00

Ég lofaði að segja hvers kyns það verður, litla barnið, í þessu bloggi...

Hér kemur það áður en ég fer út.

Það eeeerrrr... stúlka : )

Uppfærsla

2007-06-05T17:02:00.000-07:00

Tíminn líður hratt...og allir þekkja restina af þessari setningu.

Einhvernvegin (hey og þið sem segið alltaf einhverMegin lesiði aftur yfir hvernig "einhvernvegin" er skrifað og sleppið nú Emm-inu sem þið virðist segja í stað vafff!!!, segir stafsetningarhálfvitinn : ) finnst mér eins og þessi mynd (hér til vinstri) hafi verið tekin í gær, jæja, kannski í fyrradag. En aftur á móti fannst mér eins og sumarið væri komið þegar ég tók þessa af býflugunni, fyrir tveimur vikum síðan, sem liðkaði sig í sólinni eftir vetrardvalann, en nú er bara rok og rigning.

En að fyrirsögninni.
Sumir nota bloggið sitt fína sem einskonar dagbók fyrir fjarstadda eða fjarskylda, einnig á maður vini sem maður hefur ekki heyrt í lengi en slæðast hér inn annað veifið. Nú ætla ég að uppfæra þá sem ég hefi ekki hitt lengi um hagi mína.

Ég hef staðið upp úr sæti mínu í Óperunni, sagt upp þar störfum. Tók á það ráð að láta gamlan draum rætast, og fékk vinnu á auglýsingastofunni Hér og nú, sem hefur fengið nafnið H:N markaðssamskipti(eftir að ég byrjaði þar : ) Þar vinn ég við grafíska hönnun.

Konan orðin bullandi ólétt, veit ekkert hvernig.
Hún á að eiga 17. okt. s.m.k.v. sónarmyndum, við fengum að vita hvortkyni það yrði, getiði nú, verður það kk eða kvk??

En Daði minn og fjölsk. hafa dvalið hér á landinu síðan fyrir áramót, nú fara þau að kveðja okkur að sinni, hér eru tvær myndir af misjöfnum áhugamálum þeirra : )

Helt, utroligt!!

2007-06-03T05:42:00.000-07:00

Myndskeið frá atvikinu á Parken frá sænska sjónvarpinu. Frábært að heyra Svían vera svona æstan og koma með alla frasana, eins og mugge mugge ofl í þeim dúr : )

En allsvakalegt atvik sem á ekki að eiga sér stað. Las það á bloggi einhvers að ástæðan fyrir því að öryggisgæslan hefði ekki brugðist við neinu, væri vegna þess að Danir gerðu ekkert nema að ræða það fram og til baka "lave en avtale" og skipuleggja það a.m.k. 6 vikum áður, og einnig það að enginn Dani vinnur eftir kl. 16.

Þekkir einhver einhvern á þessari mynd??

2007-05-29T16:38:00.001-07:00

Jæja !!!

2007-05-29T14:32:00.001-07:00

Úff úff úff, það getur verið erfitt að vera sjarmör, það þekkjum við feðgarnir: )

Þegar heim var komið blasti þessi ástarkveðja við okkur fyrir framan útidyrahurðina. Drengurinn litli tók þessu með jafnaðargeði, hélt "kúlinu".

Góðir söngvarar, volume 1

2007-05-22T15:50:00.000-07:00

Ætla að finna til hér í næstu færslum tja, mína uppáhaldssöngvara, eða bara góða söngvara.

Fyrst er fyrir valinu söngvari hljómsveitarinnar Journey, Scott Perry heitir hann kallinn.
Ég rakst á þetta lag á VH1 um daginn frekar en MTV. Þar var verið að velja besta ´80 rokkslagarann, og tróndi þetta lag, sem er hér að neðan, á toppnum. Þessari hljómsveit eða þessu lagi hef ég aldrei veitt neina sérstaka athygli, ekki fyrr en ég sá þessa "læf" upptöku, sem rennir stoðum mínum undir það að það getur verið gagnlegt að hlusta stöku sinnum á lifandi fluttning hljómsveita , ef einhver hefur verið í vafa um það.

Eftir að hafa tekið smá youtube rúnt á þessari hljómsveit er ég ekkert sérstaklega stoltur af því að finnast hann góður söngvari eða að mér finnist þetta lag vera hið áheyrilegasta, dálítið hallærislegir gaurar, það verður alveg að viðurkennast : )

Istanbul 2005

2007-05-21T10:36:00.001-07:00

Að hugsa sér það afrek að koma til baka eftir að hafa lent undir 3-0 á móti AC-Milan er eitt, en að hafa gert þetta, með Dudek í markinu, Milal Baros sem fremsta mann og í vörninni var enginn annar en flækjufóturinn og óheillakrákann Djimi Traore!!!

Ástin mín!!!

2007-05-21T10:29:00.000-07:00

Þetta hrópaði náinn frændi minn upp og það yfir sig þegar hann sá Steven Gerrard á skjánum eitt sinnið...við tökum undir þau orð. En spennan magnast!!!

Smá grín og ég að leika mér að setja youtube atriði á síðuna mína, það er svo gaman

2007-05-17T13:54:00.000-07:00

Tónlistarlögreglan!!

2007-05-09T09:20:00.004-07:00

Eitt kvöld núna í apríl er ég að raula fyrir munni mér lagið sem hann Eiríkur okkar Hauksson mun syngja í Júróvision á fimmtudag og vonandi aftur á laugardag. En viti menn þegar ég varbúinn að raula svona þetta fyrir mér og kominn að sólókaflanum, renni ég mér fimlega inn í annað lag, en það er lagið I will survive. Undir þessu myndbandi hér er þetta lag, upprunarlega, og svo neðar er júrólagið, þið getið prófað að blanda þessu saman. En með öðrum orðum, þá er júróvision lagið svona líka hel-stolið!!

Munið hvar þið heyrðuð þetta fyrst.

Nýtt á síðunni!!

2007-05-05T12:39:00.000-07:00

Nú hef ég bætt við linkum sem ég kall frægukallarnir. Ég datt inn á síðu Pálma Gunnars og setti hann inn hjá mér og bætti svo Sigurði G við líka... vonandi detta einhverjir fleiri frægar inn.

Ég kalla þetta þjónustu við lesendur : )

Aulabrandarar og vorið

2007-04-17T14:31:00.000-07:00

Ég var að komast að því að ég er svona gaur sem er alltaf að segja sömu aulabrandarana.

Ykkur til glöggvunar þá er ég með lítið dæmi: Þegar ég þarf sokka á fæturna mína, segi ég alltaf við Helguna, "jæja mig vantar Bobby soks (veit ekki hvernig það er skrifað)" og þegar vissar aðstæður koma upp vitna ég í t.d. bíómyndatitla...t.d. About Smith, þegar verið er að tala um einhvern og forsetningin UM kemur við sögu, þá er ekki úr vegi að snara því yfir á enskuna, og bæta við Smith, og þá er maður orðinn rosalega fyndinn og óþolandi um leið!!

Kveikjan af þessu að ég áttaði mig á vandamálinu var nú sú að í sjónvarpinu er þáttur sem heitir Ómur af Ibsen og ég náttúrulega snöggur að grína og segja Ómur af Iben (fyrir þá sem ekki vita er Iben kærasta litlabróður míns)...en þegar ég var búinn að segja þetta þriðjuvikuna í röð, settist ég niður og bloggaði um þetta vandamál mitt.

Myndin hér að ofan er tekin fyrir c.a. mánuði síðan, umhleypingasamt veðrið gerði það að verkum að í sólinni þar sem ég stóð mátti varla sjá í Esjuna fyrir kafaldsbyl, fallegt.

Í hinum, næstum því, fullkomna heimi...

2007-04-10T06:48:00.000-07:00

...fellur Manchester Utd. úr leik í meistaradeildinni í kvöld og tapa enska titlinum til Chelsea : ) ég ítreka samt, NÆSTUM ÞVÍ!!

Menn og málefni

2007-04-03T15:38:00.000-07:00

Þetta er Garðar Bergdal, rafbylgjuforingi!!

Ef þið eigið í stinningarvandræðum eða í erfiðleikum með svefn, talið við Garðar, hann sér um sína.

Td. segir Hjálmar Guðjónsson í Varmahlíð eitthvað á þessa leið að hann hafi fótbrotnaði fyrir nokkrum árum og sé með víra í löppinni sem hafi valdið honum vandræðum, nema í þeim húsum sem Garðar er ekki búinn að koma í.

Helga Árnadóttir Kópavogi segist laus við Exemið.
Óskar Grímsson Sauðárkróki gefur Garðari 10 í einkunn, sést ekki ló á gólfinu og allir sofi betur eftir að Garðar lét sjá sig með fínu vírana sína.

Endilega kíkið inn á síðuna hans Garðars þar er margur fróðleikurinn um skaðsemi rafbylgja.

Valdfíkn

2007-03-27T14:19:00.000-07:00

Við búum á Rauðalæk 6. 5 metrum sunnar er Rauðalækur nr. 4. Þar býr geðsjúki póstberinn.

Það vildi svo til að þetta skilti hér til hliðar, búið til af handverkskonunni Helgu, sagði til um hverjir byggju í kjallaranum, en það eru og hafa verið Arnar, Helga og Ívar Fannar síðast liðin 6 og hálft ár og þessi kona hefur borið út allan þennan tíma hér og hefur búið þarna við hlið okkar og heilsað okkur lengst af þann tíma sem við höfum búið hérna.

En skiltið umrædda dettur af hurðinni við einn hurðarskellinn og verður fyrir smávægilegu hnjaski. Veitum við því frekar litla athygli fyrst um sinn.

Ekki fyrr en við fáum inn um lúguna miða frá póstinum um að það vanti merkingu sem valdi póstburðarmönnum erfiðleikum. Við höbbðum ekki þungaráhyggjur af þessu máli vegna nábýlissins, en eftir að við fengum annað svona bréf, handskrifað og merkt mér með fullu nafni, sem stóð á að póstur yrði endursendur ef ekki yrði merkt betur, tók ég við mér og handskrifaði á blað og límdi innan á gluggan, því eitthvað stóð á viðgerðinni á handverki Helgu.

Daginn eftir er dálaglegur bunki á gólfinu af gluggapósti og ítrekunum?!! Ég sem afburða skilvís maður skil hvorki upp né niður í málinu. En rennur þá upp fyrir mér ljós!! Kerlingaruglan og nágrannapóstútberandi helv... t.... hefur haldið eftir pósti og það bara heima hjá sér, bara til að sýna hver ræður!!!

Þetta olli því að ég þarf að borga af þremur reikningum sem eru komnir í ítrekun o.þ.h. með tilheyrandi aukakostnaði, bara af því að snillingurinn sem ber út póstinn hér í hverfinu er með spítukupp í rassalingnum og nær honum ekki út!!! @"#/%$/()=&!!

Við höfum hringt og gert smá mál úr þessu og svörin eru þau að ekki meigi bera póst í hús nema að hurðin sé merkt, sumir póstburðarmenn sveigi reglurnar, en hún EKKI!!!

En er löglegt að halda pósti svona til haga, spyr ég??

Allt að gerast

2007-03-26T17:32:00.000-07:00

Ég var staddur í miðbænum rétt fyrir rökkur fyrir c.a. mánuði síðan, var með myndavélina á mér og sá ÞETTA!!

sjáiði video af þessu náttúrunnar undri.

Gaman :)

2007-03-26T17:07:00.000-07:00

Nei!! Hvað gengur hér á?? Eru bröggð í tafli!!!??

Skoðið myndina hér til hliðar vel, hér er engin hjálparmeðöl í gangi(hvorki Photoshop eða annað í þeim dúr...aðeins maður og myndavél), aðeins smá sjónhverfing. Þetta er svið Íslensku óperunnar, með borði og stólum í fullri stærð, höndin er mín...

Þarna var ég aðeins að leika mér með stærðarhlutföll og þessháttar.

Hér kemur svo létt photshoppuð mynd með.

Svo að síðustu, mynd með hlutföllunum nánast réttum en ég setti samt hönd mína með.

Auglýsing frá Bónus???

2007-03-26T17:00:00.000-07:00

Nei svo er nú ekki, heldur er hér pokalistamaðurinn Ívar Fannar á ferð, eins og hann kýs að kalla sig. Eftir fremur viðburðarlítinn fimmtudag þar sem hann þurfti að dvelja heima við vegna veikinda, tók hann sig til með skæri og limband að vopni og bjó sér til alklæðnað úr bónus og -nestispokum. Frekari myndasýning gæti verið á næsta leiti.

Bætt blogg

2007-03-21T03:30:00.000-07:00

Hef tekið þá ákvörðun að bæta þjónustuna við lesendur mína til muna og set því inn link hér neðar á síðunni til hægri, um viðskipti með hlutabréf. Sjálfur er ég stóreignamaður í Kaupþingi og fleirum góðum og fylgist vel með.

Ég er maður lengri blogga svo ég bæti hér við smá fróðleik, lítt tengdum hlutabréfamarkaðnum.
Fróðleikur
"Málara meistari" og "múrara meisatari" er borið nánast eins fram á finnsku og íslensku. Finnarnir segja (áttund neðar en gengur og gerist, að sjálfsögðu, nema Gunnar Birgisson það er ekki hægt), "málarimeirsatari og múrari meistari, örugglega skrifað muuraryy meiistaryy??

Sami Hyypia er skrifað með tveimur y-bbsilonum vegna framburðarins, tvö y-bbsilon þýðir að þú heldur tóninum í y-inu lengur.

Perla Tyrklands

2007-03-19T09:43:00.000-07:00

Þeir segja það að þetta sé perla Tyrklands og þangað fer ég í júní, ekki laust við smá tilhlökkun. Menn hafa vísu farið flatt á ferðum sínum til Tyrklands, maður á víst að passa sig á jógúrtinu, spyrjið Njörð, hann veit allt um málið.

Liverpool

2007-03-06T02:55:00.000-08:00

Það eru mikil vonbrigði að tapa svona. Við vorum óheppnir en United gerðu það sem verðandi meistarar gera oft. Vinna án þess að spila vel."

Þetta sagði Steven Gerrard, vel að orði komist.

Nú er það Barcelona í kvöld, ofsa verður það nú gaman.